Innrásin frá Mars

Húsmóðirin er búin að fjárfesta í tveimur miðum á Innrásina frá Mars með Sinfóníuhljómsveit Íslands. Með stjörnulögfræðinginn undir arminum mun hún skunda í Háskólabíó og rifja upp stundirnar sem hún lá á stofugólfi æskuheimilisins með tónlistina byljandi í heyrnatólunum. Þá var nú gaman að vera til. Verst að þurfa alltaf að liggja á gólfinu, heyrnatólin voru svo stór að þau héldust ekki á höfðinu þegar reynt var að setjast upp. Það verður spennandi að vita hvort tónlistin stendur undir minningunni.