Heima er bezt
Húsmóðirin er ánægð með að vera komin heim. Enn ánægðari er hún þó með þá staðreynd að drengurinn byrjar aftur í leikskólanum eftir helgi. Þá er möguleiki á að lífið fari að komast í fastar skorður, drengurinn fari að koma sér í rúmið á skikkanlegum tíma og hægt verði að venja þá stuttu af því að vakna á nóttunni.
Þótt ótrúlegt megi virðast þá er húsmóðirin farin að hlakka gríðarlega til að komast aftur í skólann. Þessa dagana er legið yfir kennsluskránni og allir möguleikar á valnámskeiði á haustönn kannaðir. Þar togast á þrennt; hvað er skemmtilegt, hvað er gagnlegt og hvað er líklegt til að vera ekki alltof þungt. Þar sem ætlunin er að komast hjá því að setja þá stuttu í gæslu fyrr en eftir áramót er mikilvægt að allt þetta fari saman og svo þarf að treysta því að hún taki sinn langa lúr á hverjum degi svo að húsmóðirin geti lesið. Gangi það eftir verður húsmóðirin orðin Meistari Jakob fyrr en varir.
Þótt ótrúlegt megi virðast þá er húsmóðirin farin að hlakka gríðarlega til að komast aftur í skólann. Þessa dagana er legið yfir kennsluskránni og allir möguleikar á valnámskeiði á haustönn kannaðir. Þar togast á þrennt; hvað er skemmtilegt, hvað er gagnlegt og hvað er líklegt til að vera ekki alltof þungt. Þar sem ætlunin er að komast hjá því að setja þá stuttu í gæslu fyrr en eftir áramót er mikilvægt að allt þetta fari saman og svo þarf að treysta því að hún taki sinn langa lúr á hverjum degi svo að húsmóðirin geti lesið. Gangi það eftir verður húsmóðirin orðin Meistari Jakob fyrr en varir.
skrifaði hdb klukkan 12:04
2 sagt:
Ertu bara að þessu skólabrölti til þess eins að sofa? Þú veist: Meistari Jakob, meistari Jakob, sefur þú? Sefur þú?
Auðvita ertu að verða spennt að komast í skólann aftur :) enda fullt af skemmtilegu fólki þar og hvað er betra en að vera kaffærð í verkefnum og lestri. Sú stutta á eftir að styðja mömmu sína - don´t worry!
Skrifa ummæli
<< Home